Home / Aktual / Almaniyada Heydər Əliyevin xatirəsinə həsr edilmiş boks turniri keçirilib

Almaniyada Heydər Əliyevin xatirəsinə həsr edilmiş boks turniri keçirilib

Heydər Əliyev adına Dünya Boks Komitəsinin (World Boxing Committee H.Aliyev – WBCA) təşkilatçılğı ilə Almaniyanin Übach-Palenberg şəhərində Azərbaycan xalqının ümummilli lideri Heydər Əliyevin xatirəsinə həsr edilmiş boks turniri keçirilib. Diasporla İş üzrə Dövlət Komitəsindən DiasporNews-a verilən məlumata görə, WBCA Dünya kəməri uğrunda ukraynalı boksçu Roman Qolovaşenko almaniyali bokscu Aleksandr Franka qarşı peşəkar rinqdə mübarizə aparıb. Hazırda Dünya kəmərinin sahibi almaniyalı boksçu Aleksandr Frankdır. Hər iki boksçu Dünya reytinqində yüksək yer tutmağa layiq görülüb.

Ümummilli lider Heydər Əliyevin xatirəsinə həsr olunmuş 12 raundluq gərgin mübarizəli döyüş 5-ci raundda vaxtından əvvəl tamamlanıb. Almaniyalı boksçu ukraynalı boksçunu nokautla peşəkar rinqdən uzaqlaşdırıb və 2-ci dəfə Dünya kəmərnin çempionu olaraq qalıb. Übach Palenberg şəhərinin meri Volfgang Yungnish WBCA Dünya kəmərini çempiona təqdim edib.

Qeyd edək ki, Heydər Əliyev adına Dünya Boks Komitəsi 2012-ci ildə Almaniyanın Maqdeburq şəhərində soydaşımız Yaşar Niftəliyev Millinits tərəfindən yaradılıb. Komitənin məqsədi dünyada yaşayan azərbaycanlı idmançıları bir araya gətirmək, ulu öndər Heydər Əliyevin idmanla bağlı tövsiyələrini yerinə yetirmək, başqa millətlərdən olan idmançılarla Avropada yaşayan azərbaycanlı idmançılar arasında dostluq əlaqələrini möhkəmləndirmək, ümummilli liderin adını daşıyan kəmərləri dünyanın ən məşhur kəmərləri sırasına çıxarmaqdır.

DiasporNews

Check Also

İsraildə Qara Yanvarla bağlı anım mərasimi keçirilib

İsraildə fəaliyyət göstərən Azİz təşkilatı 20 yanvar faciəsi ilə bağlı tədbir təşkil edib. Tədbirdə şəhidlərin …