Home / Aktual / Azərbaycan Paris Sülh Forumunda təmsil olunacaq

Azərbaycan Paris Sülh Forumunda təmsil olunacaq

Birinci Dünya müharibəsi qələbəsinin 100 illiyi çərçivəsində noyabrın 11-dən 13-dək 1-ci Paris Sülh Forumu keçiriləcək.  Sülh Forumunda Azərbaycan xarici işlər naziri Elmar Məmmədyarovun rəhbərlik etdiyi nümayəndə heyəti ilə təmsil olunacaq.

Sülh Forumunda dünyanın yaxşı idarə edilməsinə dair 120 təşəbbüs və layihədə, sülh və təhlükəsizlik, ətraf mühit, inkişaf, yeni texnologiyalar və inklüziv iqtisadiyyat kimi 5 əsas istiqamətdə müzakirələr aparılacaq.

Təqdimatlardan seçilən 10 layihəyə 2019-cu ilin noyabrında keçiriləcək 2-ci Foruma qədər xüsusi dəstək veriləcək.

Bildirilir ki, Sülh Forumu beynəlxalq məsələlərin həlli üçün xüsusi platforma olacaq. Qeyd edək ki, Fransa Prezidenti Emmanuel Makron Paris Sülh Forumu təşəbbüsünü irəli sürüb.

DiasporNews

Check Also

Londonda ümummilli lider Heydər Əliyevin xatirəsi anılıb

Azərbaycanın Böyük Britaniya və Şimali İrlandiya Krallığındaki səfirliyində ümummilli lider Heydər Əliyevin anım günü ilə bağlı …