Home / Aktual / Türkiyə KİV-ləri VI Bakı Forumundan yazıb

Türkiyə KİV-ləri VI Bakı Forumundan yazıb

Türkiyənin aparıcı KİV-ləri oktyabrın 25-26-da “Yeni dünya və yeni insan formalaşdıraq: yaradıcılıq və insan inkişafı” mövzusunda keçirilən VI Bakı Beynəlxalq Humanitar Forumu haqqında geniş məlumatlar yaymaqdadır. Qardaş ölkə KİV-ləri Forumu çərçivəsində AZƏRTAC-ın təşkilatçılığı ilə realaşan “Yanlış məlumatlandırma siyasəti – müasir dünyada sabitliyə təhdid” mövzusunda işçi sessiyaya da yer ayırıb.

Anadolu agentliyi, TRT AVAZ televiziya kanalı, www.timeturk.com, www.memleket.com.trinternet saytları və digər KİB-lər Forumun məqsəd və mahiyyətini türkdilli oxuculara çatdırıb.

TRT AVAZ televiziya kanalının saytında yer alan məlumat oxuculara “Azərbaycanda VI Beynəlxalq Humanitar Forumu” sərlövhəsində təqdim olunub. Məlumatda Prezident İlham Əliyevin Forumda iştirakı və dərin məzmunlu nitqindən ayrı-ayrı məqamlara toxunulub. Dövlətimizin başçısının “Ermənistan-Azərbaycan Dağlıq Qarabağ münaqişəsi beynəlxalq hüququn norma və prinsipləri əsasında öz həllini tapmalıdır. Azərbaycan heç vaxt işğalla barışmayacaq, ölkəmizin ərazi bütövlüyü bərpa edilməlidir. Bunu tarixi ədalət və beynəlxalq hüquq tələb edir”, – fikir də xəbərdə əks olunur.

Qeyd edilir ki, 2010-cu ildən Azərbaycan və Rusiya prezidentlərinin təşəbbüsü ilə təşkil olunan Forum qlobal xarakterli məsələlərə dair geniş spektrli dialoqlar, fikir mübadilələri və müzakirələr məkanıdır. Türkiyə KİV-lərinin yaydığı informasiyalarda builki forumun tərkibi və müzakirə olunan mövzulardan ətraflı bəhs olunur.

DiasporNews

Check Also

“Sabantuy Moskva” festivalına “Rusiya Azarbaycanlıları Platformu” da qatılıb

İyulun 6-da Rusiyanın paytaxtdı Moskva şəhərində “Sabantuy Moskva” beynəlxalq festivalı keçirilmişdir. “Rusiya Azarbaycanlilari Platformu” mətbuat …

160*600