Home / Diaspor / Azərbaycanlı musiqiçilər Böyük Teatrda

Azərbaycanlı musiqiçilər Böyük Teatrda

Yanvarın 23-dən 26-dək Rusiya Dövlət Akademik Böyük Teatrında C.Verdinin “Don Karlos” operası nümayiş etdiriləcək. DiasporNews teatrın saytına istinadla xəbər verir ki, yanvarın 24-də və 26-da səhnə əsərində Yelizaveta Valua obrazını Azərbaycanın Xalq artisti Dinara Əliyeva (soprano) yaradacaq. Yanvarın 23-də və 25-də Don Karlosun partiyasını Azərbaycanın Xalq artisti Yusif Eyvazov (tenor) ifa edəcək.

Dinara Əliyeva 2009-cu ildən Böyük Teatrın solistidir. İfaçının 2010-cu ildə Bakıda məşhur tenor Plasido Dominqo ilə birgə konserti olub. Onun C.Verdinin anadan olmasının 200 illiyi münasibətilə Fransada və Çexiyada “GalaVerdi” adlı solo konsertləri böyük uğurla keçib. 2015 və 2017-ci illərdə Moskvada Dinara Əliyevanın “Opera Art” beynəlxalq musiqi festivalları keçirilib.

Karyerasına İtaliyanın teatr və konsert zallarında başlayan Yusif Eyvazov 2008-ci ildə Milanda Opera Müğənniləri Beynəlxalq Müsabiqəsinin Qran-Pri mükafatına layiq görülüb. O, 2012-ci ildə Bakıda Vokalçıların Bülbül adına VI Beynəlxalq müsabiqəsinin qalibi olub. Yusif Eyvazovun adı “Dünyanın ən yaxşı tenorları” kitabına daxil edilib.

DiasporNews

Check Also

RAİ-nin Rauf Əzizovun həbsi ilə bağlı açıqlaması

“Azərbaycan məhkəməsinin qərarının ədalətli olacağına inanıram” Rusiya Azərbaycanlıları İttifaqının (RAİ) prezidenti Füzuli Məmmədov Dağıstanda fəaliyyət …

160*600