Sankt-Peterburqda 20 Yanvar faciəsinin qurbanları anılıb

Sankt-Peterburqda 1990-cı il yanvarın 20-də baş verən faciəli hadisələrə həsr olunmuş tədbir keçirilib. Azərbaycan Milli Mədəni Muxtariyyətinin sədri Vaqif Məmişоv tərəfindən təşkil olunan tədbirdə şəhidlərin ruhu ehtiramla yad edilib, dualar oxunub. Anım mərasimində Azərbaycan Respublikasının Sankt-Peterburqdakı baş konsulu Sultan Qasımov, soydaşlarımız, Sankt-Peterburqdakı Qazax və Çeçen diasporunun nümayəndələri, Çin Mədəniyyət Mərkəzinin sədri və digər milli-mədəniyyət birliklərinin nümayəndələri iştirak ediblər.