Home / İdman / İki güləşçimiz beynəlxalq turnirin finalına yüksəlib

İki güləşçimiz beynəlxalq turnirin finalına yüksəlib

Sentyabrın 6-da Rusiya Federasiyası Saxa Respublikasının paytaxtı Yakutskda Dmitri Korkinin xatirəsinə həsr olunan sərbəst güləş üzrə beynəlxalq turnir start götürüb.
Azərbaycan Güləş Federasiyasından DiasporNews-a verilən məlumata görə, yarışda məşqçi Əşrəf Əliyevin rəhbərliyi ilə ölkəmizi yeddi pəhləvan təmsil edir. Onlardan ikisi – Pərviz İbarahimov (57 kq) və Nurməhəmməd Hacıyev (97 kq) finala yüksəlib. Digər idmançılarımız Əli Rəhimzadə (65 kq) və Hacımurad Ömərov (74 kq) bürünc medal şanslarını qoruyurlar.

Sentyabrın 7-də P.İbrahimov və N.Hacıyev final, digər iki güləşçimiz isə təsəlliverici görüşlərə çıxacaq. Əhmədnəbi Qvarzatilov, Məhəmmədhacı Kasumov (hər ikisi 61 kq) və İbrahim Yusubov (79 kq) isə həmin gün ilk qarşılaşmalarını keçirəcəklər.

Yarışların idarə olunmasında Azərbaycanı beynəlxalq dərəcəli hakim Bəşir İsazadə təmsil edir.

DiasporNews

Check Also

“Dünyaya üzgüçü olmaq üçün gəlmişəm” Alkərəmova Fatimə-VİDEO

Azərbaycan idman ölkəsidir, boks, güləş, cüdo və digər idman növləri ilə uğur qazanan ölkələr sırasındadır. …

160*600