Home / Diaspor / Parisdə Azərbaycanın dostları Assosiasiyasının 20 illiyi qeyd olunub – Fotolar

Parisdə Azərbaycanın dostları Assosiasiyasının 20 illiyi qeyd olunub – Fotolar

Fransada fəaliyyət göstərən Azərbaycanın dostları Assosiasiyası (ADA), yaradılmasının 20 illiyinə həsr olunan təntənəli yubiley gecəsi təşkil edib.

ADA-dan DiasporNews-a verilən xəbərə görə, Azərbaycanın Fransadakı səfirliyinin dəstəyi ilə həyata keçirilən yubiley mərasimində Fransa Parlamentinin üzvləri, ictimai-siyasi, mədəniyyət və incəsənət xadimləri, assosiasiyanın üzvləri və digər qonaqlar iştirak ediblər. Yubiley gecəsini giriş sözu ilə açan Azərbaycanın Dostları Assosiasiyasının prezidenti Jan Fransua Mansel (Jean-François Mancel) assosiasiyanın gördüyü işlər və gələcək fəaliyyəti barədə mərasim iştirakçıarına məlumat verib. O bidirib ki, assosiasiyanın əsas məqsədi Azərbaycanın qədim tarixini, zəngin mədəniyyətini təbliğ etməkdir. Fransanın müxtəlif şəhərlərində il ərzində həyata keçirilən bir sıra maraqlı və uğurlu layihələr Azerbaycana olan maragi daha da artirir, Fransada taninmasına köməklik edir. Jan Fransua Mansel gələn qonaqlara bu maraq üçün və Azərbaycanın dostlarına hər zaman Azərbaycanı dəstəklədikləri üçün öz təşəkkürünü bildirib.

Daha sonra Fransada Azərbaycanın Dostları Assosiasiyasının yaradıcısı, Azərbaycanda Fransanın ilk səfiri olmuş Jan Perən (Jean Perin) qonaqlara 20 il budan öncə assosiasiyanın yaradilmasından söhbət açıb. Səfir bildirib ki, o dönəmdə Fransada Azərbaycanın kifayət qədər tanınmaması, iki ölkə arasında olan münasibətlər, və həmçinin Fransadakı erməni diasporasının yaratdığı maneələr assosiasiya fəaliyyətinin çətinləşməsinə səbəb olurdu. O, hal-hazirda Fransada Azərbaycanın dostlarının çoxalmasında, iki ölkə arasında münasibətlərin lazımi səviyyədə inkişaf etməsində və Azərbaycanın artıq Fransada tanınmsıda Assosiasiyanın özünəməxsus rolu olduğunu geyd edib.

Yubiley gecəsi Azərbycan milli musiqisindən ibarət konsert ilə davam edib. Fransada yaşayan gənc nəfəs alətləri ifaçısı Səddam Novruzbəyovun rəhbərliyi ilə, gitarada Əmrah Kaptan, zərb alətlərində Nağib, muğam və xalq mahnılarımızı ifa ediblər. Konsert proqramında balaban, tütək, zurna və klarnetdə ifa olunan “Bayatı – Şiraz“, “Segah“, “Sari gelin” milli rəqs musiqilərimizdən “Çoban rəqsi“, “Vağzalı“, “Tərəkəmə” dinləyicilərin böyük rəğbəti ilə qarşılanıb.





DiasporNews

Check Also

“MeqaFon-un Qarabağı müstəqil dövlət sayması Rusiya-Azərbaycan münasibətlərinə təhlükədir”

Rusiya Azərbaycanlılar İttifaqı MeqaFon mobil operatorundan qərarın dərhal dəyişdirilməsini tələb edir “Rusiyanın ikinci böyük mobil …

160*600