Home / Diaspor / Qarabağ atları London Beynəlxalq Atçılıq Şousunda çıxış edəcək

Qarabağ atları London Beynəlxalq Atçılıq Şousunda çıxış edəcək

Azərbaycan Atçılıq Federasiyasının (ARAF) təşkilatçılığı ilə Qarabağ atları dekabrın 19-dan 23-dək Londonda Olimpiya Beynəlxalq Atçılıq Şousunda çıxış edəcək.

ARAF-dan DiasporNews-a bildiriblər ki, olimpiya üçün hazırlanan nümayiş “Odlar yurdu Azərbaycan və Qarabağ atı” kimi tanınır. Nümayişdə 12 at və çapar iştirak edəcək.

Nümayişin məqsədi Azərbaycanın mədəni irsini qlobal auditoriyaya çatdırmaqdır. Zəngin mədəniyyət əsrlərboyu Azərbaycan xalqının qəhrəmanlığını, cəsarətini və qorxmazlığını nümayiş etdirən milli rəqs və musiqimizin müşayiəti altında Qarabağ atlarının gücünü və möhtəşəm bacarıqlarını əks etdirən şou ilə nümayiş olunacaq.

Qeyd edək ki, Qarabağ atları dünyanın bütün ölkələrində xüsusi cins kimi tanınır. Atlar mayın 10-13-də Kral Vindzor At Şousunun 75 illik yubileyində və Britaniya Kraliçası II Elizabetin doğum gününə həsr olunmuş tədbirlərdə çıxış edib.

DiasporNews

Check Also

“MeqaFon-un Qarabağı müstəqil dövlət sayması Rusiya-Azərbaycan münasibətlərinə təhlükədir”

Rusiya Azərbaycanlılar İttifaqı MeqaFon mobil operatorundan qərarın dərhal dəyişdirilməsini tələb edir “Rusiyanın ikinci böyük mobil …

160*600