Home / Diaspor / Ukraynada Azərbaycanla bağlı beyin mərkəzi yaradılır

Ukraynada Azərbaycanla bağlı beyin mərkəzi yaradılır

Ukraynada Azərbaycanla bağlı xüsusi analitik beyin mərkəzi yaradılır. Azərbaycanın Ukraynadakı səfirliyindən DiasporNews -a bildirilib ki, bu günlərdə səfirlilikdə AMEA prezidenti akademik Akif Əlizadənin başçılıq etdiyi nümayəndə heyəti ilə keçirilən görüşdə Qara Dəniz-Xəzər Hövzəsi məkanını əhatə edən mövzularla bağlı xüsusi analitik beyin mərkəzinin yaradılması barədə razılıq əldə olunub.

Görüş Azərbaycanın Ukraynadakı səfiri Azər Xudiyevin təşəbbüsü ilə baş tutub. Mərkəzin yaradılmasında məqsəd geosiyasi, siyasi, loqistika, informasiya mübadiləsi mexanizmləri, elm, təhsil sahələrində qarşılıqlı əlaqələrin inkişaf imkanları və layihələrin hazırlanması, regional əməkdaşlıq formatları, onların perspektivləri, təhlükəsizlik sisteminin yaradılmasının geosiyasi-nəzəri aspektləri, beynəlxalq layihələr çərçivəsində əməkdaşlıq imkanları kimi mövzular üzrə elmi tədqiqat işlərinin aparılması, habelə Azərbaycan həqiqətlərinin dünya ictimaiyyətinə çatdırılmasıdır.

AMEA rəhbərliyi bu məsələdə öz kadr potensialından istifadə edilməsi fikrinə müsbət yanaşdığını bildirib. Tərəflər bu təklif-layihənin reallaşdırılması üçün birgə fəaliyyət göstərəcəkləri ilə bağlı razılığa gəliblər.

DiasporNews 

Check Also

“Mühafizə Qaydalarının Təlimi Kursu” keçiriləcək

Ofislərdə, bağçalarda, tikintidə, istehsalat müəssisələrində və s. iş yerlərində baş verən qəzalarda hər il yüzlərlə …

160*600