İyunun 28-də Ukraynanın Konstitusiya Günündə ukraynalı ulduzların, dünyanın müxtəlif ölkələrindən olan diasporun, diplomatların, hərbçilərin, biznes nümayəndələrinin iştirakı ilə “Oh, çəmənlikdə qırmızı viburnum” («Ой, у лузі червона калина») mahnısının eyni vaxtda ifası olub.
“Diaspornews.az“ xəbər verir ki, tədbir mərkəz olaraq Lvov şəhərindən idarə edilib. Rekord olaraq eyni anda 47 ölkənin 60 məntəqəsində 1086 iştirakçı mahnını ifa edib.
Qeyd edək ki, Ukraynadan 4 məntəqədən aksiyaya qoşulma olub. Xüsusi olaraq Donbasın qaynar nöqtəsi Avdeevkidən insanlar aksiyaya qatılıblar.
Bakıdan 103 iştirakçı-Ukraynanın Azərbaycandakı səfirliyinin, ukraynalıların Azərbaycandakı diasporunun, Dnepr şəhərində Dnepropetrovsk Vilayəti Azərbaycanlıları Konqresinin, ümumiyyətlə Ukraynadakı Azərbaycan diasporunun hazırda Bakıda olan nümayəndələri, könüllülər və şəhər sakinləri qatılıb.
Bu aksiya zamanı dünya rekordu qeydə alınaraq “Ginnesin dünya rekordları” kitabına düşüb. Tədbirin təşəbbüskarı Ukraynalılara Yardım üzrə Beynəlxalq Qərargahdır.
Təşkilatçılar isə Lvov Regional Hərbi İdarəsi və Ukrayna Xarici İşlər Nazirliyidir.
Azərbaycanda təşkilatçılar Ukraynaya Yardım Fondunun təşəbbüskarı və
Azərbaycan-Ukrayna Konqresi Yasamal rayon nümayəndəsi Lidiya Şestak-Əliyeva, könüllülər Lyudmila Antonova və Vüsalə Namazlıdır.
Lidiya Şestak-Əliyeva bildirib ki, bu aksiya ilk növbədə, Ukrayna ilə bütün inkişaf etmiş dünya, xüsusən də Azərbaycan arasında mükəmməl qurulmuş multikultural əlaqələr sayəsində əldə edilmişdir: “Bu, həm də birlik və ləyaqətin nə olduğunu bütün dünyaya göstərən bütün ukraynalıların töhfəsidir. Tədbirin təşkilatçılarına Ukraynaya əlavə diqqəti cəlb etmək imkanına və humanitar yardımın göstərilməsinin davam etdirilməsinin zəruriliyinə görə təşəkkür edirik.
Ayrıca dəstəyinə görə Ukraynanın Azərbaycandakı səfirliyinə təşəkkür edirik”.
