Martın 17-də Moskvada Hərbi Elmlər Akademiyasının Sosial Yaddaş İnstitutu ilə Moskva şəhər Qərb İnzibati Dairəsi Azərbaycanlılarının Milli-Mədəni Muxtariyyəti təşkilatı arasında “Şücaət Vətəni – Qəhrəmanın Vətəni” Beynəlxalq Yaddaş və Minnətdarlıq Estafet Yarışının Missiyasının həyata keçirilməsi üçün tərəfdaşlıq müqaviləsi imzalanıb. Müqaviləni Hərbi Elmlər Akademiyasının Sosial Yaddaş İnstitutunun direktoru Aleksandr Ujanovla Moskva şəhər Qərb İnzibati Dairəsi Azərbaycanlılarının Milli-Mədəni Muxtariyyəti təşkilatının sədri Əli Kazımov imzalayıblar.
Məqsəd Böyük Vətən müharibəsində iştirak edən qəhrəman soydaşlarımızın Rusiyada xatirəsinin əbədiləşdirilməsi, onların döyüşdükləri Rusiya şəhərələri ilə doğulduqları Azərbaycan şəhərlərini qardaşlaşdırmaqdır.
