Fevralın 19-da Polşanın Poznan şəhərində Xocalı faciəsinin 30-cu ildönümü ilə əlaqədar icazəli aksiya keçirilib. Bu haqda “Diaspornews.az”a Polşa Azərbaycanlıları Şurasısının sədri Fərid Cəfərli məlumat verib.
Aksiya Polşa Azərbaycanlıları Şurası və Poznanın azərbaycanlı icması tərəfindən təşkil olunub. Hava şəraitinin sərt olmasına baxmayaraq soydaşlarımız aksiyanı sona qədər davam etdiriblər. “Keçən il paytaxt şəhərdə etdiyimiz tədbirin davamı olaraq bu il də açıq havada, çaylar, Azərbaycan halvası, bukletlər paylandı, Heydər Əliyev Fondundan əldə etdiyimiz şəkillər sərgiləndi. Qeyd edim ki, ingilis və polyak dillərində çap olunan bukletlərdə, eləcə də bardaqlarda Xocalı soyqırımının məlumatları QR kod yerləşdirilmişdir.
Aksiyada aktiv iştirak etdiklərinə görə Poznanda yaşayan soydaşlarımıza təşəkkür edirik. Allahdan şəhidlərimizə rəhmət diləyirik”,-deyə Fərid Cəfərli bildirib.
Xatırladaq ki, bu marafon Gdansk şəhərində davam etdirilib.