Bu günlərdə Rusiya Federasiyasının Krasnoyarsk şəhərinidəki Əmək və Anlaşma Sarayında ənənəvi “Uşaqlar uçün Novruz” şənliyi keçirilib. Tədbir Krasnoyarskda Azərbaycanlıların Regional Milli-Mədəni Muxtariyyəti və Rusiya Azərbaycanlı Gənclər Birliyinin (RAGB) Krasnoyarsk nümayəndəliyi tərəfindən Krasnoyarsk diyarının qubernatorunun İctimaiyyətlə əlaqələr şöbəsinin, Krasnoyarsk diyarı Xalqlar Dostluğu Evinin və Əmək və Anlaşma Sarayının dəstəyi ilə təşkil edilib.
Mərasimdə Krasnoyarskda Azərbaycanlıların Regional Milli-Mədəni Muxtariyyətinin sədr müavinləri Ayaz Məmmədov, Azər Mustafayev, Aqil Cəfərov və digər diaspor üzvləri, eləcə də Krasnoyarsk diyarının qubernatorunun ictimaiyyətlə əlaqələr şöbəsinin milliyyət, din və kazaklarla iş şöbəsinin müdiri Soslan Teymurazoviç Tatdayev, Əmək və Anlaşma Sarayının direktoru Qonçarov Konstantin Mixayloviç iştirak ediblər.
Krasnoyarsk Deputatlar Şurasının millət vəkili, Krasnoyarsk diyarı “Azərbaycan milli-mədəni muxtariyyəti”nin sədri Teleh Mahmudov və öz adından təbrik nitqi söyləyən sədr müavini Ayaz Məmmədov çıxış edib: “Hər birininzi Novruzun gəlişi münasibəti ilə təbrik edirəm, sizlərə sağlamlıq, əmin – amanlıq, bolluq və bərəkət arzu edirəm! Novruz bayramınız mübərək!”
Şənlikdə yaradıcı kollektivlərin və rəssamların çıxışları, parlaq bahar bayramının maraqlı ənənələri və adətləri, oyunlar və viktorinalar, üz rəngləmə ilə masa, virtual reallıq eynəkləri nümayiş olunub, həmçinin Novruz personajlar Kosa və Keçəl tamaşaçıları əyləndiriblər.
Tədbir “Odlar yurdu” xalq ansamblının ifasında şən rəqslərlə davam edib.
