image-2000x150
image-088d34ac-209d-4297-aae3-95cedd68ef3fbackend

Misirdə Azərbaycan dili kurslarının yeni müdavimləri ilə görüş olub

image-768x150

Misirdə Azərbaycan dilini öyrənmək istəyən əcnəbi tələbələrin sayı ildən-ilə artır. Qahirədə Misir-Azərbaycan Dostluq Cəmiyyətinin nəzdində fəaliyyət göstərən Azərbaycan dili kurslarının yeni müdavimləri ilə görüş olub.

Görüşdə çıxış edən Misir-Azərbaycan Dostluq Cəmiyyətinin sədri və bu ölkədəki Azərbaycan diasporunun rəhbəri, tədqiqatçı-alim Seymur Nəsirov tələbələrə Azərbaycanın tarixi, mədəni irsi, müasir inkişafı, ədəbiyyatı haqqında geniş məlumat verib.

S.Nəsirov bildirib ki, Cəmiyyətin nəzdində fəaliyyət göstərən kurslara dilimizə böyük maraq göstərən daha 114 nəfər müraciət edib. Yeni – 29 müdavim üçün açılan əlavə qrupda ilk dərs keçirilib. Tələbələrin arasında misirlilərlə yanaşı, İndoneziya, Suriya və Yəmən vətəndaşları da var.

Əl-Əzhər Universitetində və Cəmiyyətdəki kurslarda Azərbaycan dilini tədris edən İnarə Osmanova tələbələrə Azərbaycan dilinin əhəmiyyəti, onun ərəb dili ilə oxşar cəhətləri haqqında məlumat verib.

Qeyd edək ki, Misir-Azərbaycan Dostluq Cəmiyyətinin nəzdindəki kurslarda Azərbaycan dili ilə yanaşı, həm də müxtəlif fənlər üzrə 56 ölkədən 663 tələbə ödənişsiz təhsil alır.

image-7ecf2344-8453-49c3-8324-01dbb944b77d image-7ed72351-c4ac-4792-8755-e17147ca8294

image-768x90

  • whatsapp
  • messenger
  • telegram
  • vkontakte
  • odnoklassniki