Azərbaycan – Monteneqro Mədəni və İqtisadi Mərkəzinin təşkilatçılığı və Azmont Investments şirkətinin dəstəyi ilə Petnjica bələdiyyəsində iftar məclisi təşkil olunub. Bu haqda “Diaspornews.az”a Azərbaycan – Monteneqro Mədəni və İqtisadi Mərkəzinin direktoru Seyran Mirzəzadə məlumat verib.
“İftar məclisində 100-dən artıq insan iştirak edib. Dəstəyə, iştiraklarına və çıxışlarına görə Monteneqrodakı İslam Birliyinin Rəhbəri və Baş Müfti Rifat Feyziçə, müvəqqəti işlər vəkili Azad Nağıyevə və Petnjica Bələdiyyəsinin sədri Samir Agoviçə təşəkkür edirəm.
Azmont Investments şirkətinin Azərbaycanın milli, dini və mənəvi dəyərlərinin Monteneqroda və regionda təbliğ olunmasına göstərdiyi dəstək təqdirəlayiqdir”,-deyə o əlavə edib.
