Niderland Krallığında fəaliyyət göstərən Benilüks Azərbaycanlıları Konqresinin və Qarabağ idman klubunun qərargahında Zəfər Bayramı münasibətilə tədbir keçirilmişdir.
Tədbir, öz işini Vətən naminə həyatlarını itirmiş qəhrəmanlarımızın xatirəsinin bir dəqiqəlik sükutu və Azərbaycan Respublikası dövlət himninin səslənməsi ilə başladı.
44 günlük vətən müharibəsi zamanı baş verən hadisələr haqqında bəhs edən BİZ filmi nümayiş etdirildi.
Benilüks Azərbaycanlıları Konqresinin sədri Elsevər Məmmədov, Şanlı Ordumuzun rəşadətindən, xalqımızın bu günlərdə nümayiş etdirdiyi şücaət və birlikdən danışdı.
Qarabağımızın bizə qovuşma hədəfinin nailiyyətlərindən və bu hədəfin yeni ünvanı olan İrəvana qayıdış Konsepsiyası məsələsinə toxundu.
O, bu yöndə yeni işlərin aparılması və dinc yolla Qərbi Azərbaycana dönmə perspektivinə nəzər saldı.
Tədbirin digər iştirakçıları da vətənimizi və ölkədən kənarda yaşayan soydaşlarımızı Zəfər bayrammı münasibətilə təbrik etdilər.
Azərbaycan-Hollandiya Həmrəylik Cəmiyyətinin sədri Niyazi Əmikişizadənin çıxışı hər iki Qarabağ müharibəsində xalqımızın və əsgərlərimizin göstərdiyi igidiklərdən, l Qarabağ müharibəsində Şəhid olmuş qardaşının qanının yerdə qalmamasından, şəhidlik zirvəsinin yüksək məqamından danışdı.
Qələbəmiz və Vətən sevgisini tərənnüm edən şeir çələngi tədbiri bəzədi.
BAK sədr müavini Sima Cəfərova və publisist şair Yasəmən Qara öz şeirlərini oxudular.
Kiçik iştirakçılarımız Nisa və Əlinin ifasında müsiqi parçaları dinlənildi.
Tədbirdə, Niderland Krallığında yaşayan soydaşlarımız və qardaş türk icmasının üzvləri iştirak edirdilər.
Sonda, BAK-ın aktiv üzvləri hədiyyələrlə təltif olundular.
Tədbir, maraqlı söhbətlər və fikir mübadiləsi ilə öz işinə yekun vurdu.
BAK mətbuat xidməti
