Xocalı qətliamı Kanadanın paytaxtı Ottavada rəsmən tanınıb.
Bu haqda “Neuron Technologies” şirkətinin rəhbəri, Kanadada yaşayan Azərbaycan icmasının nümayəndəsi İsmayıl Ələkbərov özünün “Facebook” səhifəsində məlumat verib.
O qeyd edib ki, Ottava şəhərinin meri Jim Watson bu il 26 fevral tarixini Ottava şəhərində Xocalı faciəsi qurbanlarının Anım Günü elan etdi: ‘Cənab Vatsona təşəkkür edirəm və bu nəticənin əldə edilməsində əməyi olan bütün həmvətənlərimin qarşısında baş əyirəm. Xocalı qətliamını dünyanın gündəminə gətirmək istiqamətində səylərimizi davam etdirməliyik…”
