2018-ci ildən bəri Tatarıstan Respublikasının Leninoqorsk şəhərindəki “Uşaqlarda Güc” Xeyriyyə Fondunun reabilitasiya mərkəzi hər il ənənəvi “Şaxta baba və Qar qız ziyarətə gəlir” xeyriyyə aksiyasını keçirir. Bu tədbir əlil uşaqlar və sağlamlıq imkanları məhdud uşaqlar iştirak edir.
Tatarıstan Respublikasının Leninoqorsk şəhəri və Leninoqorsk vilayətində “Birlik” Azərbaycan Milli-Mədəni Muxtariyyəti ictimai təşkilatının sədri Ramiz Məmmədov tədbirlərdə dəfələrlə iştirak edib. Bu il də onun komandası qeyd edilən aksiyada fəal iştirak edərək onlara sponsorluq ediblər. İlk ildir ki, “PRODSERVİS-S” MMC və “Birlik” təşkilatı bu kampaniyanın həyata keçirilməsinə köməklik edir.
Kampaniyanın icraçıları öz növbəsində “Birlik” Azərbaycan Milli-Mədəni Muxtariyyəti ictimai təşkilatının sədri Ramiz Məmmədova və “PRODSERVİS-S” MMC-nin rəhbərlərinə bu xeyriyyəçiliklərinə görə hədsiz minnətdarlıqlarını bildiriblər.
“Reabilitasiya Mərkəzi tərəfindən biz bayram tədbirləri təşkil edir və tərəfdaşlarımızla birlikdə uşaqlara təntənəli şəkildə hədiyyələr təqdim edirik. “PRODSERVİS-S MMC və “Birlik” kimi təşkilatlar və fəal ictimai xadim, “PRODSERVİS-S” MMC-nin direktoru Mustafa Mustafayev və “Birlik” Gənclər şöbəsinin rəhbəri Əziz Firdovsili kimi nəcib insanlar, xeyriyyəçilər olanda, o zaman bu yaxşı işlər görmək çox asan və ikiqat xoş olur, xüsusən də uşaqlara gəldikdə. Uşaqların gözlərində səmimi təbəssümləri, səmimi sevinci görmək, sizə ünvanlanan minnətdarlıq sözlərini eşitmək çox qiymətlidir.
Mən gələcək əməkdaşlıq və dostluğa ümid edirəm və “Birlik” Azərbaycan Milli-Mədəni Muxtariyyəti ictimai təşkilatının çiçəklənməsini arzulayıram”, – deyə “Uşaqlarda Güc” Sağlamlıq İmkanlı Uşaqlara Yardım Xeyriyyə Fondunun Reabilitasiya Mərkəzinin direktor müavini Aygül Axmetova təşəkkür məktubunda bildirib.
Xatırladaq ki, Leninoqorsk vilayətinin Azərbaycan diasporunun rəhbəri Ramiz Məmmədov və “PRODSERVICE-S” MMC-nin direktoru Mustafa Mustafayevin rəhbərlikləri ilə hər il veteranlar, cəbhəçilər, əlillər, aztəminatlı və çoxuşaqlı ailələrdən olan uşaqlar üçün çoxsaylı xeyriyyə aksiyaları keçirilir
