Azərbaycan-Qazaxıstan QHT-lərinin əməkdaşlığı regionda vətəndaş cəmiyyətinin güclənməsi üçün böyük önəm daşıyır. Bu forum sayəsində biz təcrübə və bilik mübadiləsi edə, birgə layihələr həyata keçirə bilərik. QHT-lər müxtəlif sahələrdə birgə fəaliyyət göstərməklə cəmiyyətə daha çox fayda verə bilərlər.
AZƏRTAC xəbər verir ki, bu sözləri Qazaxıstanın “Community HUB” İctimai Fondunun direktoru Assiya Tikeyeva TDT QHT-lərinin həmrəylik forumu çərçivəsində keçirilən “Azərbaycan-Qazaxıstan QHT-lərinin I Əməkdaşlıq Forumu”na həsr olunan paneldə söyləyib.
O bildirib ki, forum həm Azərbaycan, həm də Qazaxıstan QHT-lərinin yeni təşəbbüsləri üçün ilham olacaq.
