Ötən gün Tatarıstanın paytaxtında “Kazan – İƏT 2022-nin gənclər paytaxtı” yekun mətbuat konfransında il ərzində fəal iştirak edən və öz media resurslarında tədbirləri işıqlandıran media nümayəndələrinin mükafatlandırılması mərasimi keçirilib. Tatarıstan Respublikasının paytaxtında keçirilən “Kazan – İƏT 2022-nin gənclər paytaxtı” beynəlxalq proqramı.
Jurnalistlər arasında Azərbaycandan olan nümayəndə, inCity.az informasiya və mədəniyyət portalının baş redaktoru Emin Ramazanov da mükafata layiq görülüb. Tatarıstan Respublikasının Gənclərlə iş üzrə naziri Timur Süleymanov və İslam Əməkdaşlıq Təşkilatı Gənclər Forumunun prezidenti Taxa Ayxan Emin Ramazanova Təşəkkür Məktubu təqdim ediblər və orada deyilir: “Səmərəli əməkdaşlığa görə Sizə səmimi təşəkkürümüzü və dərin minnətdarlığımızı bildiririk. “Kazan İƏT 2022-nin gənclər paytaxtıdır” beynəlxalq proqramı çərçivəsində tədbirlərin işıqlandırılmasında iştirak və yüksək peşəkarlığa görə təltif edilirsiz”.
Dekabrın 15-də Kazanda İƏT Gənc Liderlərinin mükafatlandırma mərasimi və Kazan – İƏT Gənclər Paytaxtı 2022 beynəlxalq proqramının ilinin bağlanış mərasimi keçirilib. Həmçinin, İƏT ölkələrinin gənclərlə iş və təhsil nazirlərinin, beynəlxalq təşkilatların nümayəndələrinin, 30-dan çox ölkənin gənclər liderlərinin iştirakı ilə dəyirmi masa keçiriləcək.
İslam Əməkdaşlıq Təşkilatı (İƏT) dünya İslam ölkələrini birləşdirən beynəlxalq strukturdur. İƏT Gənclər Paytaxtı 2014-cü ilin oktyabrında keçirilən 2-ci Baş Assambleyada İslam Əməkdaşlıq Təşkilatı Gənclər Forumunun (İGF) təşəbbüsü ilə irəli sürülüb.
