Mayın 10-12-də Krasnoyarskda “MMA Series-80: NWPA” turniri keçirilib. Tədbir böyük idman və sağlam həyat tərzi idman festivalının–“Siberian Power Show”ın bir hissəsidir. Ümumilikdə tədbirdə ən yüksək səviyyəli on döyüş olub.
Yarışda braziyalı Arimarsel Santos və azərbaycn əsilli Ziyad Sadayla arasındakı döyüş olub. Qeyd edək ki, bu Ziyad Sadaylının MMA seriyasında üçüncü keçirdiyi döyüş idi. Soydaşlarımızdan, həmçinin Əlisafa Mərdəliyev rusiyalı Andrey Silla ilə qarşılaşıb.
Xatırladaq ki, diasporumuz Rusiya və Azərbaycan bayraqları ilə dəstək qrupu təşkil edib. Soydaşlarımız hər iki azərbaycanlı idmançını çox fəal şəkildə dəstəkləyiblər.
Onu da da bildirək ki, idmançılarımıza maddi dəstəyi diaspor üzvlərindən Nəsimi Həsənov, Azər Mustafayev, Camal Ələsgərov, Azər Məmmədov, Fizuli Hüseynov, Fuad Rəsulov veriblər. Soydaşlarımız bu dəstəyə görə onlara təşəkkür ediblər.
