Bu gün Baş nazir Əli Əsədov Dünya Buxara Yəhudiləri Konqresinin prezidenti Lev Leviyev ilə görüşüb.
Nazirlər Kabinetindən Trend-ə bildirilib ki, görüşdə Prezident İlham Əliyev tərəfindən Azərbaycanda tolerantlığın möhkəmləndirilməsi və multikultural dəyərlərin təbliği istiqamətində ardıcıl siyasətin uğurla davam etdirildiyi vurğulanıb.
Qeyd olunub ki, ölkədə bütün xalqların və dinlərin nümayəndələrinin, o cümlədən, yəhudi icmasının sülh və əmin-amanlıq şəraitində yaşaması üçün hər cür şərait yaradılıb.
