İyunun 2-4 tarixlərində Moskvada BRICS Qadınların Sahibkarlıq Forumu keçirilib. Bu haqda saytımıza Azərbaycanda Qadın Sahibkarlığının İnkişafı Assosiasiyasının həmtəsissçisi və sədr müavini Cəmilə Abdullayeva məlumat verib.
Biznes tədbirdə 30 ölkədən 300 nümayəndə iştirak edib. Biznes proqramında Forum iştirakçıları rəqəmsal texnologiyalar, sənaye, ərzaq təhlükəsizliyi, kənd təsərrüfatı, yaradıcı sənayelər, inklüziv iqtisadiyyat, ESG gündəliyi və davamlı inkişaf sahəsində məsələləri müzakirə ediblər. İşgüzar tədbir Rusiya Federasiyasının assosiasiyaya sədrliyi dövründə baş verir.
Açılış mərasimi və plenar iclasa BRICS Qadınlar Biznes Alyansının sədri Anna Nesterova moderatorluq edib.
İlk günün əsas hadisələrindən biri BRICS-in Qadın Sahibkarlığı üçün Rəqəmsal Platformasının işə salınması oldu. Rəqəmsal həllin hazırlanmasına 2021-ci ildə BRICS Qadın Biznes Alyansının Rusiya hissəsinin təşəbbüsü ilə başlanılıb.
Forumun işgüzar gündəliyində inklüzivlik və əmək mobilliyi sahəsində əməkdaşlığın inkişafına xüsusi diqqət yetirilib. Qonaqlar və forum iştirakçıları üçün “Qadınlar tərəfindən BRICS -də hazırlanmışdır” sərgisi də açılıb. Sərgi çərçivəsində assosiasiya ölkələrindən olan qadın sahibkarlar öz məhsul və xidmətlərinin geniş spektrini – toxuculuq və geyimdən tutmuş əl işlərinə qədər təqdim ediblər.
BRICS Qadın Biznes Alyansı 2020-ci ilin iyulunda yaradılıb. Fəaliyyət göstərdiyi 4 il ərzində təşkilat qadın Sahibkarların Beynəlxalq İcmasını yaradıb, assosiasiya üzvləri arasında mədəni və iqtisadi əlaqələri dərinləşdirib.
Forum iki gün ərzində panel sessiyaları ilə öz işini davam etdirib. “BRICS-in dostları” panel sessiyasında Azərbaycanda Qadın Sahibkarlığının İnkişafı Assosiasiyasının həmtəsissçisi və sədr müavini Cəmilə Abdullayeva da spiker olaraq çıxış edib. Cəmilə Abdullayeva Azərbaycanda sahibarlığın inkişafından, bu sahədə qadınların rolundan da danışıb.
