Ötən gün Rusiya Federasiyasının Murmansk şəhərində Tatarıstan Mədəniyyət Mərkəzi “Yaktaş” tərəfindən müqəddəs Ramazan ayı ilə əlaqədar olaraq tədbir keçirilmişdir. Tədbirə Murmansk Vilayəti İctimai Təşkilatı “Azərbaycan Mədəniyyət Mərkəzi”nin sədr müavini Mehdi Fəyyazlı, “Özbəkistan Mədəniyyət Mərkəzi”nin sədri Fəridə xanım və digərləri dəvət edilmişlər. Tədbirdə Murmansk Vilayəti “Azərbaycan Mədəniyyət Mərkəzi”nin sədri Mehdi Fəyyazlı Tatarıstan və Azərbaycan xalqlarının eyni kökdən gəlməsi, türk soyuna mənsub olması barədə ətraflı məlumat vermişdir. Həmçinin bütün müsəlmanları qarşıdan gələn müqəddəs Ramazan bayramı münasibətilə təbrik etmişdir.
