Novruz Bayramı ilə əlaqədar olaraq Vistula Universitetində təhsil alan xarici tələbələrin mədəniyyət sərgisi fonunda tədbir təşkil edilib. “Diaspornews.az” “azwspolnota.org”a istinadə xəbər verir ki, tədbirdə həm Polşa Azərbaycanlıları Şurasının üzvləri, həm də Vistula Universitetinin tələbələri olan Vaqif Babayev, Əli Nağıyev, Zəka Mikayılzadə, Kamran Bəbirov, Mirzəyusif
Mirzəyev və Munirə Əliyeva tərəfindən Azərbaycan milli mətbəxi, mədəniyyəti və incəsənəti barədə məlumatlandırıcı təqdimatlar, rəqslər və xüsusi təamlar təqdim edilib.
Tədbirin sonunda Polşa Azərbaycanlıları Şurası idarə heyəti üzvləri tərəfindən qonaqlara təşəkkür nitqi söylənilib və Vistula Universitetinin rektoru Wawrzyniec Konarski’ə “Polşa-Azərbaycan Nağılları” kitabı hədiyyə edilib.
