Rusiyada fəaliyyət göstərən Arxangelsk vilayətinin Azərbaycan diasporu regional ictimai təşkilatı yaradılmasının 20 illiyi münasibətilə Diasporla İş üzrə Dövlət Komitəsini təbrik edib.
Təşkilatın idarə heyətinin sədri Tərlan Qasımov tərəfindən Dövlət Komitəsinin sədri Fuad Muradova ünvanlanan məktubda bildirilib: “Sizi və Diasporla İş üzrə Dövlət Komitəsinin bütün kollektivini ürəkdən təbrik edirəm. 20 illik yubileyiniz mübarək!
Biz şadıq ki, bu illər ərzində təşkilatlarımız etimad və ümumi məqsədlərə əsaslanan güclü tərəfdaşlıq münasibətlərini qoruyub saxlayıblar.
Sizin fəal işiniz və mühüm töhfəniz sayəsində Arxangelsk vilayətində mühüm sosial və mədəni layihələr həyata keçirilmişdir.
Sizin dəstəyinizlə Arxangelsk vilayətində Azərbaycan mədəniyyət ili keçirilib, hər il Novruz bayramı ilə bağlı konsert təşkil olunur, Şimali Arktika Federal Universitetində F.Salmanov adına elmi laboratoriya açılıb və yaxın gələcək Uşaq İncəsənət Məktəbində M.Maqomayev adına iş otağının açılışı olacaq.
Əminəm ki, əməkdaşlığımız hələ uzun illər davam edəcəkdir. Sizə və Diasporla İş üzrə Dövlət Komitəsinin bütün əməkdaşlarına uğurlar, cansağlığı, planların həyata keçirilməsi işində uğurlar arzu edirik”.
Viktor İkonnikov: “Arxangelsk vilayəti ilə Azərbaycan arasında əlaqələrin genişləndirilməsi və möhkəmləndirilməsi üçün mühüm ilkin şərtlər mövcuddur”
Yeri gəlmişkən, Arxangelsk vilayətinin rəsmi qurumlarından da Dövlət Komitəsinə təbrik məktubu göndərilib.
Belə ki, Arxangelsk vilayətinin qubernatorunun müavini, iqtisadiyyat elm və sənaye naziri Viktor İkonnikovun məktubunda bildirilib: “İcazə verin, Arxangelsk vilayəti hökuməti adından və şəxsən öz adımdan sizi Diasporla İş üzrə Dövlət Komitəsinin 20 illik yubileyi münasibətilə təbrik edim!
Arxangelsk vilayətinin Azərbaycan Respublikası ilə çoxillik dostluq əlaqələri var. 1970-ci illərdən etibarən ölkəmizdə RSFSR-in Qara Yerə aid olmayan bölgələrinə İttifaq respublikalarının himayəsi üçün rəsmi kampaniya aparılır. Beləliklə, Azərbaycan Sovet Sosialist Respublikası Arxangelsk vilayətinə himayədarlıq edirdi. Arxangelsk vilayətinin ərazisində obyektlər tikilən Pomoriyeyə Azərbaycandan ixtisaslı mütəxəssislər (mühəndislər, inşaatçılar və s.) gəlmişdilər. Azərbaycan diasporu Arxangelsk vilayətində beynəlxalq münasibətlərin və harmonik millətlərarası münasibətlərin inkişafına mühüm töhfə verir. Azərbaycan diasporun dəstəyi ilə sosial əhəmiyyətli və xeyriyyə layihələri, milli bayramlar münasibətilə tədbirlər, tematik konsertlər, sərgilər, film nümayişləri keçirilir ki, bunun sayəsində rayon sakinləri zəngin və orijinal mədəniyyətlə tanış olmaq imkanı əldə edirlər.
Bu gün Arxangelsk vilayətində bir çox fəaliyyət sahələrində çalışan, rayonun ictimai, mədəni və idman həyatında fəal iştirak edən 10 minə yaxın azərbaycanlı yaşayır.
Azərbaycan ənənəvi olaraq MDB-yə üzv dövlətlər arasında Arxangelsk vilayətinin aparıcı ticarət tərəfdaşlarından biridir. Belə ki, 2021-ci ildə Arxangelsk vilayətinin Azərbaycanla xarici ticarət dövriyyəsi təqribən 32 milyon ABŞ dolları təşkil edib ki, bu da 2020-ci ilin göstəricisini 11,6 faiz üstələyib.
Eyni zamanda, Arxangelsk vilayəti ilə Azərbaycan Respublikası arasında əlaqələrin genişləndirilməsi və möhkəmləndirilməsi üçün mühüm ilkin şərtlər mövcuddur. Sizə yeni işlərdə uğurlar, firavanlıq arzulayıram”.
Elena Kudreşova: “Azərbaycan diasporu Arxangelsk vilayətində gənclərin təhsilinim artmasına, tolerantlıq və millətlərarası dostluq ruhunda tərbiyəsinə töhfə verir”
Mixail Lomonosov adına Şimal Federal Arktika Universitetinin rektoru Elena Kudreşovanın isə təbrik məktubunda bildirilib: “Mixail Lomonosov adına Şimal Federal Arktika Universitetinin bütün müəllim və tələbələri, şəxsən məndən Diasporla İş üzrə Dövlət Komitəsinin 20 illik yubileyi münasibətilə ən səmimi təbriklərimi və Arxangelsk vilayətinin Azərbaycan diasporu regional ictimai təşkilatı ilə əməkdaşlığı dəstəklədiklərinə görə dərin minnətdarlığımızı qəbul edin.
Mübaliğəsiz demək olar ki, Universitetlə Azərbaycan diasporu arasında uzun müddətdir davam edən tərəfdaşlıq sülhün möhkəmlənməsinin əsas hərəkətverici göstəricilərindən biridir. Azərbaycan diasporu Arxangelsk vilayətində gənclərin təhsilinin artmasına, tolerantlıq və millətlərarası dostluq ruhunda tərbiyəsinə töhfə verir.
Bu əməkdaşlıq zamanı biz həmişə azərbaycanlı tərəfdaşlarımızın dost dəstəyinə arxalanmışıq. Əməkdaşlıq illəri ərzində onlarla maraqlı və parlaq elm, təhsil və mədəniyyət layihələri birgə həyata keçirilib.
Bu ilin əlamətdar hadisəsi F.Salmanov adına neft-qaz yataqlarının işlənməsi proseslərinin hidrodinamik modelləşdirilməsi laboratoriyasının açılışı oldu. Laboratoriya region üçün yüksək ixtisaslı kadrların hazırlanması problemlərinin həlli üçün nəzərdə tutulmuş və elm və təhsil sahəsində Rusiya-Azərbaycan dostluğunun inkişafı üçün bir məkan kimi xidmət edir.
Arxangelsk vilayətinin Azərbaycan diasporu regional ictimai təşkilatının idarə heyəti sədri Tərlan Qasımovun bu sosial əhəmiyyətli təşəbbüslərin həyata keçirilməsində və mədəniyyətlərarası dialoqun qurulmasında böyük şəxsi xidmətlərini xüsusi qeyd edmək istərdik.
Sizə yüksək ehtiramımı bildirirəm. Şəxsən Sizə və Diasporla İş üzrə Dövlət Komitəsinin bütün kollektivinə möhkəm cansağlığı, bütün planların həyata keçirilməsini və iki xalq arasında sülhün və dostluğun möhkəmləndirilməsi sahəsində nəcib işinizdə böyük uğurlar arzulayıram”.
