Azərbaycan–Özbəkistan dostluq münasibətlərinin və diasporla əməkdaşlığın inkişafı çərçivəsində “Beynəlxalq Humanistika İnstitutu” İctimai Birliyinin sədri Elmira Məhəddinlinin rəhbərlik etdiyi nümayəndə heyəti 2026-cı ilin may ayında Daşkənd şəhərində yerləşən Azərbaycan Pavilyonunda Azərbaycan diasporunun nümayəndələri ilə görüş keçirmişdir. Görüş zamanı “Beynəlxalq Humanistika İnstitutu” İctimai Birliyi adından xatirə hədiyyələri təqdim edilmişdir. Görüşdən sonra nümayəndə heyəti Ulu Öndər Heydər Əliyevin Daşkənd şəhərində ucaldılmış büstünü ziyarət etmiş və büst önündə xatirə şəkli çəkdirmişdir.
