Tatarıstan Respublikasının Leninoqorsk şəhərindəki Mədəniyyət sarayında ötən ilin yekunlarına həsr olunmuş təntənəli tədbir keçirilib. urada Leninoqorsk vilayətinin başçısı Ryaqat Xusainov rayonun və şəhərin görkəmli sakinlərinin mükafatlandırılması mərasimini keçirib.
Bayramın qonaqları arasında Şaxta babaya məktub yazan 10 gənc Leninoqorsk sakini də var idi.
Yeni il ərəfəsində onların istəkləri “Milad ağacı arzuları” Ümumrusiya xeyriyyə aksiyası çərçivəsində “Şaxta baba ol” deputat layihəsində iştirak edən şəhər və rayon sovetlərinin deputatları, müəssisə rəhbərləri, ictimai təşkilatlar sayəsində gerçəkləşdi.
Hədiyyələri iki uşağa Tatarıstan Respublikasının Leninoqorsk şəhəri və Leninoqorsk vilayətinin “Birlik” Azərbaycan milli-mədəni muxtariyyətinin yerli ictimai təşkilatının sədri Ramiz Məmmədov təqdim edib.
Səmərəli və uğurlu əməkdaşlığa, şəhərin və rayonun sosial-iqtisadi inkişafına böyük töhfəyə görə 40-dan çox Leninoqorsk sakini Leninoqorsk vilayəti Şurasının “Etibarlı tərəfdaş”, “Yaxşı əməllərin təminatçısı”, “Hədsiz resurs”, “Xeyriyyə” nominasiyaları üzrə təşəkkürnamələri ilə təltif edilib.
Mükafatlandırılanlar arasında Tatarıstan Respublikasının Leninoqorsk şəhəri və Leninoqorsk vilayətinin “Birlik” Azərbaycan milli-mədəni muxtariyyətinin yerli ictimai təşkilatının sədri Ramiz Məmmədov da var.
Qeyd edək ki, Ramiz Məmmədov uzun illərdir xeyriyyəçiliklə məşğul olur, ictimai təşkilatlara, qocalara, aztəminatlı ailələr yardım göstərir.
Xatırladaq ki, oktyabrın 4-də Donbas qaçqınları üçün humanitar yardım daşıyan avtomobil Leninoqorskdan yola düşüb. Bu avtomobil Leninoqorsk bələdiyyə rayonu və Leninoqorsk şəhərinin rəhbərliyinin dəstəyi ilə “Birlik” Azərbaycan milli-mədəni muxtariyyətinin yerli ictimai təşkilatının sədri Ramiz Məmmədov tərəfindən təşkil olunub.
2014-cü ildə Ramiz Məmmədov “2014-cü ilin xeyriyyəçisi” respublika müsabiqəsinin diplomuna layiq görülüb.
